طلبہ کے لیے بڑی خوشخبری ہے کہ وہ صرف دو ہزار روپے ماہانہ پر ذاتی موٹر سائیکل حاصل کر سکتے ہیں۔
حکومت پنجاب نے صوبے بھر کے طالب علموں (بوائز) کے لیے الیکٹرک بائیک اسکیم 2026 متعارف کرائی ہے، جس کے تحت طلبہ کو یہ الیکٹرک بائیکس سستی اور سود سے پاک اقساط کے تحت فراہم کی جائیں گی۔
وزیراعلیٰ پنجاب نے اس اسکیم کا اعلان عارف والا میں تقریب کے دوران کیا، جہاں 10 سرکاری اسکولوں کو نواز شریف اسکولز آف ایمیننس کا درجہ دیا گیا۔
اپنے خطاب کے دوران مریم نواز نے متعدد تعلیمی اصلاحات کا بھی اعلان کیا، جن میں ہر تحصیل میں نواز شریف اسکولز آف ایمننس کا قیام، سرکاری اسکولوں کی جدید کاری اور پنجاب بھر میں اے آئی لیبارٹریز کا آغاز شامل ہے۔
طلبہ کو آسان قسطوں پر ای بائیک فراہم کرنے کے لیے ایسا قابل عمل شیڈول مرتب کیا گیا ہے، جو کسی طالب علم پر بھاری نہیں پڑے گا۔
موجودہ ادائیگی کے ڈھانچے میں 15,000 روپے کی ڈاؤن پیمنٹ، تقریباً 2,000 روپے کی ماہانہ قسط شامل ہے، اور یہ بلا سود فنانسنگ ہوگی۔
الیکٹرک بائیک اسکیم میں درخواست دینے کی اہلیت اور طریقہ جانیے۔
اہلیت:
عمر کی حد: کم از کم 18 سال (کچھ شعبوں میں 35 سال کی عمر تک چھوٹ)
درخواست دہندہ باضابطہ کسی ڈگری کالج یا یونیورسٹی کا طالب علم ہو۔
وہ ہائیر ایجوکیشن کمیشن (HEC) سے تسلیم شدہ ادارے میں تعلیم حاصل کر رہے ہوں۔
درخواست دہندہ کے پاس پنجاب کا درست ڈومیسائل ہونا ضروری ہے۔
طلبہ کے پاس درست موٹرسائیکل ڈرائیونگ لائسنس، یا لرنر کا ڈرائیونگ پرمٹ ہونا ضروری ہے۔
درخواست دہندہ کسی بھی رجسٹرڈ موٹر گاڑی کا مالک نہ ہو۔
نوٹ: ہر خاندان میں صرف ایک فرد کو الیکٹرک بائیک الاٹ کی جائے گی، چاہے ایک سے زیادہ بھائی اہل ہوں۔
درخواست کیسے دیں؟
درخواستیں صرف آن لائن پنجاب حکومت کے پورٹل کے ذریعے ہی قبول کی جائیں گی۔
آن لائن اپلائی کرنے کا طریقہ؟
1۔ یہاں کے سرکاری پورٹل کے ساتھ اپ ڈیٹ رہیں۔
2۔ طالب علم اپنا قومی شناختی کارڈ، اپنی تفصیلات یا رابطے کی معلومات دے کر خود کو رجسٹر یا لاگ ان کریں۔
3۔ آن لائن درخواست فارم مکمل کریں۔
4۔ مطلوبہ دستاویزات اپ لوڈ کریں۔
5۔ اپنی درخواست جمع کروائیں۔
6۔ اپنی درخواست کی تصدیق اور کمپیوٹرائزڈ بیلٹنگ کا انتظار کریں۔
7۔ آن لائن پورٹل کے ذریعے اپنی درخواست کی حیثیت کو ٹریک کریں۔
درخواست کے لیے درکار دستاویزات:
درخواست دہندگان کو عام طور پر درج ذیل دستاویزات کی ضرورت ہوگی۔
طالب علم کا قومی شناختی کارڈ یا ب فارم
بونافائیڈ سرٹیفکیٹ (اگر ضرورت ہو)
پنجاب ڈومیسائل سرٹیفکیٹ
موٹر سائیکل ڈرائیونگ لائسنس یا لرنر پرمٹ
پاسپورٹ سائز کی تصاویر
خاندان کی اضافی تفصیلات یا حلف نامہ (طلب کرنے کی صورت میں)
نوٹ: درخواست منظوری کے لیے کسی غیر سرکاری ویب سائٹس یا ایجنٹوں کے بہکاوے میں نہ آئیں بلکہ شفاف کمپیوٹرائزڈ قرعہ اندازی کے نتائج سے آگاہ رہنے کے لیے پورٹل سے اپ ڈیٹ رہیں۔
اپنی درخواست میں مدد کے لیے
ویب سائٹ: https://bikes.punjab.gov.pk/
ہیلپ لائن: 042-111-333-267 یا
ای میل: [email protected] پر رابطہ کریں۔
واضح رہے کہ اس اسکیم کے تحت صوبے بھر کی طالبات میں مفت ای بائیک تقسیم کی جائیں گی۔
