جہلم: تھانہ کالا گجراں پولیس کی دو الگ الگ کارروائیاں، بوگس چیک اور غیر قانونی پیٹرول فروخت کرنے والے ملزمان کو گرفتار کر لیا۔
تفصیلات کے مطابق ڈسٹرکٹ پولیس آفیسر جہلم طارق عزیز سندھو کی ہدایت پر تھانہ کالا گجراں پولیس نے دو الگ الگ کارروائیاں کرتے ہوئے بوگس چیک کے مقدمہ میں ملوث اور غیر قانونی طور پر پیٹرول فروخت کرنے والے دو ملزمان کو گرفتار کر لیا۔
ایس ایچ او تھانہ کالا گجراں اور ان کی ٹیم نے کارروائی کرتے ہوئے بوگس چیک کے مقدمہ میں مطلوب ملزم کو گرفتار کر لیا۔ پولیس ترجمان کے مطابق ملزم کے خلاف مقدمہ تھانہ کالا گجراں میں پہلے ہی درج تھا۔
دوسری کارروائی میں، غیر قانونی طور پر پیٹرول فروخت کرنے والے ملزم کو گرفتار کیا گیا۔ پولیس نے ملزم کے قبضہ سے 12 لیٹر پیٹرول برآمد کر لیا۔ ملزم کے خلاف بھی تھانہ کالا گجراں میں مقدمہ درج کر لیا گیا ہے۔
ڈی پی او جہلم طارق عزیز سندھو کا کہنا ہے کہ جرائم پیشہ عناصر کے خلاف بھرپور کریک ڈاؤن جاری ہے، اور قانون شکن عناصر کسی رعایت کے مستحق نہیں۔ ان کا مزید کہنا تھا کہ عوام کے جان و مال کے تحفظ کے لیے پولیس ہر ممکن اقدامات کر رہی ہے۔
