والدین اپنے بچوں کی پیدائش کا اندراج بروقت یونین کونسل میں کروائیں، سیکرٹری یوسی کوٹلہ فقیر

جہلم: والدین اپنے بچوں کی پیدائش کا اندراج یونین کونسل میں اپنا قومی فرض سمجھتے ہوئے لازمی کروائیں۔

ان خیالات کا اظہار سیکرٹری یونین کونسل کوٹلہ فقیر شکیل کیانی نے میڈیا نمائندگان سے گفتگو کرتے ہوئے کیا۔ انہوں نے کہا کہ پنجاب حکومت کی ہدایت ہے کہ ایک دن سے 60 دن تک کے تمام بچوں کی پیدائش کا اندراج یونین کونسلز میں لازمی کروایا جائے اور جن بچوں کی عمریں سات سال ہوگئیں ہیں لیکن ان کے نام یونین میں اندراج نہیں ہیں والدین کو چاہیے کہ لیٹ اندراج کا پروسیجر مکمل کروا کر اپنے تمام بچوں کی پیدائش کا اندراج لازمی کروائیں۔

ایڈمنسٹریٹر یونین کونسل کوٹلہ فقیر مریم نے کہا ہےکہ جن بچوں کے نام یونین کونسل میں درج نہیں ہونگے ان کے والدین آنے والے دنوں میں بچوں کو سکول داخل کروانے سمیت بہت سی مشکلات کا سامنا کرنے پڑے گا۔

انہوں نے کہا کہ یونین کونسل کوٹلہ فقیر میں 15 دسمبر سے 25 دسمبر تک بچوں کے اندراج کا کام پہلے زیادہ ترجحی بنیادوں پر کیا جائے گا تاکہ پیدا ہونے والے کسی بھی بچے کا نام اندراج ہونے سے رہ نہ جائے۔

یہ بھی پڑھنا مت بھولیں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button