جہلم: مرکزی علماء کونسل جہلم نے پاک سعودی دفاعی معاہدے کا پرجوش خیر مقدم کیا ہے اور اسے دونوں برادر اسلامی ممالک کے درمیان ناقابل شکست اتحاد قرار دیا ہے۔
علماء کرام نے کہا کہ سعودی قیادت، حکومت پاکستان اور فیلڈ مارشل کی قیادت کو سلام پیش کرتے ہیں۔ ان کے مطابق سعودی عرب اور پاکستان امن کی مشترکہ طاقت ہیں اور دونوں ممالک کا اتحاد امت مسلمہ کے لیے باعث فخر ہے۔
کونسل نے اپنے بیان میں کہا کہ ولی عہد سعودی عرب شہزادہ محمد بن سلمان، وزیر اعظم پاکستان میاں محمد شہباز شریف اور فیلڈ مارشل سید عاصم منیر خصوصی طور پر مبارکباد کے مستحق ہیں جنہوں نے امت کو ایک تاریخی معاہدے سے نوازا۔
مرکزی علماء کونسل جہلم نے اس موقع پر جمعہ کے اجتماعات میں یوم دعا و یوم تشکر منایا اور اس دفاعی معاہدے کی اہمیت پر روشنی ڈالی۔ علماء کرام نے پاک سعودی قیادت کے اس تاریخی اقدام کو زبردست خراجِ عقیدت پیش کیا اور دعا کی کہ یہ اتحاد امت مسلمہ کے لیے امن، ترقی اور خوشحالی کا سبب بنے۔
