چکوال کے نواحی علاقہ نور پور سیتھی میں الفلاح فاؤنڈیشن کے تحت ایک روزہ فری میڈیکل کیمپ کا انعقاد کیا گیا۔
میڈیکل کیمپ کاافتتاح ایڈیشنل ڈپٹی کمشنر ریونیوچکوال خاور بشیر نے کیا۔ کیمپ میں 7 ماہر ڈاکٹرزچائلڈ سپیشلسٹ، فزیوتھراپسٹ، آئی سپیشلسٹ، میڈیکل سپیشلسٹ،چائلڈ سپیشلسٹ،فیملی فزیشن اور ڈینٹل سرجن کی ٹیم نے 885 مریضوں جن میں خواتین اور بچوں کی بڑی تعداد موجود تھی کامفت معائنہ کیا اور ان میں مفت ادویات بھی تقسیم کیں۔
یہ فری میڈیکل کیمپ صبح 10 بجے سے دوپہر 1 بجے تک جاری رہا، آنکھوں کے مریضوں کو مفت عینکیں بھی لگائی گئیں۔
کیمپ کا آغاز دعا سے کیا گیا، کیمپ کی نگرانی صاحبزادہ شدیداللہ اعوان نے کی، اس کے علاوہ بشیر اعوان، محمود اعوان، عبدالستار اعوان اور عبدالرقیب اعوان بھی شامل تھے۔
یاد رہے کہ الفلاح فاؤنڈیشن پاکستان سلسلہ نقشبندیہ اویسیہ کی ذیلی تنظیم ہے جو عرصہ دراز سے امیر عبدالقدیر اعوان شیخ سلسلہ نقشبندیہ اویسیہ و سربراہ تنظیم الاخوان پاکستان کی زیر نگرانی ملک کے طول و عرض میں اپنی خدمات سر انجام دے رہی ہے۔
