بیرسٹر معراج الدین فارانی مسلم سمٹری چگویل میں سپرد خاک

لندن: برطانیہ کے سینئر قانون دان اور ماہر تعلیم بیرسٹر معراج الدین فارانی کو گارڈن آف پیس مسلم سمٹری چگویل میں سپردخاک کر دیا گیا۔

نماز جنازہ و تدفین میں برطانیہ بھر سے قانون، سیاست و دیگر شعبوں سے وابستہ افراد کے علاوہ مرحوم کے شاگردوں کی بڑی تعداد نے شرکت کی۔شرکا نے مرحوم کے صاحبزادے بیرسٹر فرحان فارانی سے اظہار تعزیت کیا اور مرحوم کے بلند درجات کیلئے دعاکی۔

شرکاء کامرحوم کو خراج عقیدت پیش کرتے ہوئے کہنا تھاکہ بیرسٹر معراج الدین سے تعلیم حاصل کرنے والے ہزاروں طلبہ نمایاں خدمات سرانجام دے رہے ہیں۔ انہوں نے پوری ایک نسل کی رہنمائی کرتے ہوئے انہیں قانون کے شعبہ کی طرف راغب کیا۔ انہوں نے کبھی اصولوں پر سمجھوتہ نہیں کیا اور یہ ہی درس اپنے شاگردوں کو بھی دیا۔

بیرسٹر معراج الدین نے نہ صرف قانون کی پریکٹس کی بلکہ کتابیں بھی تحریر و تالیف کیں جو کہ قانون کے شعبہ میں ایک سرمایہ ہیں۔ انہوں نے پاکستان لاء جنرل اور نیشنل لاء جنرل آف پاکستان کی بھی بنیاد رکھی۔ برطانیہ میں لاء فرم فارانی ٹیلرز کی بھی بنیاد رکھی جو آج تناور درخت بن کر لوگوں کی خدمت میں مصروف ہے۔

یہ بھی پڑھنا مت بھولیں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button