سوہاوہ کے علاقہ ڈومیلی کے دو منشیات فروشوں کو جرم ثابت ہونے پر 9 اور 10 سال قید اور بھاری جرمانے کی سزا سنا دی گئی۔
تفصیلات کے مطابق ایڈیشنل سیشن جج سوہاوہ نے منشیات کے مقدمہ نمبر185/23 بجرم CNSA-9(1)3-C تھانہ ڈومیلی کا فیصلہ سناتے ہوئے مجرم محمد وسیم کو 9 سال قید اور ایک لاکھ روپے جرمانہ کی سزا سنا دی۔
مجرم محمد وسیم نے منشیات فروشی کے جرم کا ارتکاب کیا تھا، مجرم کو گزشتہ سال منشیات فروشی کے جرم میں گرفتار کیا گیا تھا۔ جہلم پولیس نے مجرم کو ٹریس کرکے گرفتار کیا اور ٹھوس شواہد کیساتھ چالان عدالت کیا اور مقدمہ کی موثر پیروی کی جس کے پیشِ نظر معزز عدالت نے مجرم کو قرار واقعی سزا سنائی۔
ایڈیشنل سیشن جج سوہاوہ نے منشیات کے مقدمہ نمبر 213/23 بجرم CNSA-9(1)3-C تھانہ ڈومیلی کے دوسرے کیس کا فیصلہ سناتے ہوئے مجرم ناصر محمود کو 10 سال قید اور 2 لاکھ روپے جرمانہ کی سزا سنا دی۔
مجرم ناصر محمود نے منشیات فروشی کے جرم کا ارتکاب کیا تھا، مجرم کو گزشتہ سال منشیات فروشی کے جرم میں گرفتار کیا گیا تھا، جہلم پولیس نے مجرم کو ٹریس کرکے گرفتار کیا اور ٹھوس شواہد کیساتھ چالان عدالت کیا اور مقدمہ کی موثر پیروی کی جس کے پیشِ نظر معزز عدالت نے مجرم کو قرار واقعی سزا سنائی۔
ڈی پی او جہلم ناصر محمود باجوہ نے انوسٹی گیشن اور لیگل ٹیموں کو شاباش، تعریفی سرٹیفکیٹ اور نقد انعام دینے کا اعلان کرتے ہوئے کہا کہ منشیات فروش معاشرے کا ناسور ہیں جن کے خاتمے کے لئے بھرپور آپریشن جاری رہے گا۔
دس سال کے بعد وہ پھر یہی کام کریں گے لہٰذا سخت سزا اور اس سےبھی بھاری جرمانہ عائد کرنا چاہیے تھا تاکہ انہیں نصحیت بھی ہوتی اور جرمانہ بھی دس لاکھ روپے ہوتا ۔۔۔۔نہ جانے کتنے گھر اُجڑے ہوں گے ان کی خاطر ۔,