جہلم: ڈپٹی کمشنر جہلم سیدہ رملہ علی اور ڈسٹرکٹ پولیس آفیسر جہلم ناصر محمود باجوہ نے 9 اور 10 محرم الحرام کو ہونے والے مرکزی جلوسوں کے روٹس کا دورہ کیا۔
انہوں نے نے جلوسوں کے روٹس پر پوائنٹ وائز سکیورٹی انتظامات کا تفصیلی جائزہ لیا، ڈی پی او جہلم نے متعلقہ افسران کو فول پروف سکیورٹی یقینی بنانے کے لئے ہدایات دیں۔
انہوں نے پولیس افسران و اہلکاروں کو پوری مستعدی سے موثر ڈیوٹی سرانجام دینے کی ہدایت جبکہ منتظمین سے ضابطہ اخلاق پر مکمل عمل درآمد کو یقینی بنانے پر بات چیت کی۔
ڈی پی او جہلم ناصر محمود باجوہ نے کہا کہ جلوس کے موقع پر مربوط و موثر سکیورٹی یقینی بنانے کے لیے جہلم پولیس تمام اقدامات اٹھا رہی ہے، ضلع جہلم میں محرم الحرام کے دوران امن و امان کا قیام اولین ترجیح ہے۔
