جہلم پولیس کی جانب سے دہشت گردوں، جرائم پیشہ عناصر کی سرکوبی اور اہم تنصیبات کی سیکیورٹی کو فول پروف بنانے کے لیے ضلع بھر میں سپیشل سرچ آپریشنز اور ناکہ بندی کی گئی۔
ڈسٹرکٹ پولیس آفیسر جہلم طارق عزیز سندھو کی ہدایت پر جہلم پولیس نے ضلع کے مختلف مقامات پر 12 مقامات پر کارروائیاں کرتے ہوئے مجموعی طور پر 411 افراد کی چیکنگ کی۔ سرچ آپریشنز کے دوران شہریوں کی ویری فکیشن پولیس ایپلیکیشن کے ذریعے کی گئی جبکہ شہر کے داخلی و خارجی راستوں پر خصوصی ناکہ بندی کے تحت سخت چیکنگ عمل میں لائی گئی۔
کارروائیوں کا مقصد مجرمان اشتہاریوں، جرائم پیشہ افراد، اسلحہ و منشیات کی برآمدگی، اور سماج دشمن عناصر کی گرفتاری تھا تاکہ شرپسند عناصر کو ان کے مذموم عزائم میں کامیاب ہونے سے پہلے ہی ناکام بنایا جا سکے۔
ڈی پی او طارق عزیز سندھو نے کہا کہ ایسے آپریشنز کا تسلسل جاری رہے گا تاکہ عوام کے جان و مال کے تحفظ کو یقینی بنایا جا سکے اور شہر میں امن و امان برقرار رہے۔
