جہلم: پنجاب حکومت نے سکولوں کے موجودہ اوقات کار میں اکتیس جنوری تک توسیع کردی۔
سیکرٹری سکول ایجوکیشن پنجاب احسن وحید کی جانب سے نوٹیفکیشن جاری کر دیا گیا۔
نوٹیفکیشن میں تمام سرکاری و پرائیوٹ سکولز کے پرنسپلز کو ہدایت کی گئی ہے کہ موجودہ اوقات کار کو اکتیس جنوری تک برقرار رکھا جائے۔ موجودہ اوقات کار پر عملدرآمد جاری رکھنے کی وجہ سردی کی شدت بتائی گئی ہے۔
ضلع جہلم سمیت پنجاب بھر میں سردی کے سبب آج کل سکول صبح ساڑھے نو بجے کھلتے ہیں اور چھٹی ڈھائی بجے دوپہر ہوتی ہے۔
مشرقی پنجاب میں بھی سردی کی غیر معمولی لہر کے سبب سکولوں کو اوقات کار بدلے گئے ہیں۔ وہاں سکول صبح دس بجے کھل رہے ہیں اور چھٹی سہ پہر تین بجے کی جا رہی ہے۔
