اٹک/ جہلم: اٹک میں روحانی شخصیت حضرت کلو بابا سرکارؒ کے سالانہ عرس مبارک کی تین روزہ تقریبات اختتام پذیر ہو گئیں۔
اس موقع پر ڈپٹی وزیراعظم اسحاق ڈار نے خصوصی شرکت کی اور مزار پر چادر پوشی کی۔ ڈپٹی وزیراعظم و وزیر خارجہ اسحاق ڈار کا مزرا پر خادم درگاہ بری امام سرکار اور کلو بابا سرکار راجہ سرفراز اکرم نے استقبال کیا۔
حضرت کلو بابا سرکار ؒ کے سالانہ عرس مبارک میں پہلے روز مرکز انوار حضرت سید پیر انور علی شاہ اور راجہ اکرم شہید کے مزارچادر پوشی کی گئی اور محفل نعت اہتمام کیا گیا جس میں ملک کے معروف ثنا ء خواں حضرات نے ہدیہ عقیدت پیش کیا۔
دوسرے روز محفل سماع میں ملک کے معروف قوال نے عارفانہ کلام سے سماں باندھ دیا اور صوفائے کلام کے ذریعے امن و آشتی کا پیغام دیا۔
حضرت کلو بابا سرکار ؒ کے سالانہ عرس مبارک کے تیسرے روز معروف عالم دین سکالر زنے خصوصی خطاب کرتے ہوئے کہا کہ اولیا ء کرام ہمارے لیے مشعل راہ ہیں، انہی کے بتائے ہوئے اصولوں پر ہم عمل پیرا ہو کر ہم بہترین زندگی گزار سکتے ہیں۔
حضرت کلو بابا سرکار ؒ کے سالانہ عرس مبارک میں رکن ڈپٹی وزیراعظم و وزیر خارجہ اسحاق ڈار اور قومی اسمبلی حنیف عباسی سمیت سیاسی، سماجی، مذہبی، صحا فیوں کے ساتھ اہل علاقہ کی بہت بڑی تعداد نے شرکت کی۔
جہلم سے بھی شہریوں کی بڑی تعداد نے عرس مبارک میں شرکت کی۔ عرس کے اختتام پر ملک کی سلامتی اور ترقی کے لیے خصوصی دعا کی گئی۔ اس کے موقع پر زائرین کر لیے لنگر کا بھی خصوصی انتظام کیا گیا تھا۔
