جہلم: وزیراعلیٰ پنجاب کے ویژن اور آئی جی پنجاب کی اوپن ڈور پالیسی کے مطابق ڈی پی او جہلم شفیق احمد چوہدری کی جانب سے ڈی پی او آفس جہلم میں روزانہ کی بنیاد پر کھلی کچہری کا انعقاد کیا جا رہا ہے، جس میں شہریوں کی بڑی تعداد اپنے مسائل، شکایات اور درخواستیں لے کر پہنچ رہی ہے۔
کھلی کچہری کے دوران ڈی پی او جہلم نے شہریوں کے مسائل اور شکایات خود سنیں اور متعلقہ افسران کو موقع پر ہی فوری کارروائی اور مسائل کے حل کے لیے ضروری احکامات جاری کیے۔ شہریوں کی جانب سے مختلف نوعیت کی درخواستیں اور شکایات پیش کی گئیں جن پر ڈی پی او نے متعلقہ افسران کو میرٹ پر کارروائی یقینی بنانے کی ہدایت کی۔
ڈی پی او جہلم شفیق احمد چوہدری نے کہا کہ کھلی کچہری کے انعقاد کا مقصد شہریوں کو فوری انصاف کی فراہمی اور ان کے مسائل کا بروقت حل یقینی بنانا ہے۔ پولیس عوام کی خدمت کے لیے ہمہ وقت کوشاں ہے جبکہ شہریوں کے ساتھ براہِ راست رابطہ اور ان کی شکایات کا فوری ازالہ پولیس کی ترجیحات میں شامل ہے۔
انہوں نے متعلقہ افسران کو ہدایت کی کہ شہریوں کی شکایات کو میرٹ اور ترجیحی بنیادوں پر حل کیا جائے اور کسی قسم کی غفلت یا تاخیر ہرگز برداشت نہیں کی جائے گی۔ تمام افسران شہریوں کے مسائل کے حل کو یقینی بناتے ہوئے مقررہ وقت کے اندر عملدرآمد رپورٹ پیش کریں۔
ڈی پی او شفیق احمد چوہدری نے مزید کہا کہ شہریوں کے مسائل کے حل، بروقت انصاف کی فراہمی اور عوام دوست پولیسنگ کے لیے تمام ممکنہ اقدامات کا سلسلہ جاری رکھا جائے گا۔
