جہلم: پٹرولنگ پولیس راولپنڈی ریجن نے ریجنل آفیسر ایس پی فیصل سلیم کی زیرِ سربراہی گزشتہ ماہ کے دوران شاندار کارکردگی کا مظاہرہ کیا۔
پٹرولنگ پولیس نے 113 ایف آئی آر درج کیں، کارروائیوں کے دوران 2 رائفلز، ایک پسٹل معہ 16 روند، ایک موٹرسائیکل اور 03 لیٹر شراب برآمد کی گئی۔
پولیس نے 47 مجرم اشتہاری اور 34 عدالتی مفرور گرفتار کیے، جن میں دو اے کیٹگری کے خطرناک اشتہاری مجرم بھی شامل ہیں۔ دورانِ کارروائی 31003 ای چالان جاری کیے گئے جبکہ غیرمعیاری گیس سلنڈر استعمال کرنے والے 83 ڈرائیوروں کے خلاف مقدمات درج کیے گئے۔
پٹرولنگ پولیس کی جانب سے ای ایپ چیکنگ کے دوران 320629 افراد اور 94509 گاڑیاں چیک کی گئیں۔ دورانِ سفر 327 پریشان حال مسافروں کی مدد کی گئی، جن میں طبی امداد اور فرسٹ رسپانس شامل تھا۔ علاوہ ازیں 06 گمشدہ بچوں کو بحفاظت ان کے ورثاء کے حوالے کیا گیا۔
محکمہ نے 669 شہریوں کو ڈرائیونگ لائسنس جاری کیے، جبکہ 1449 کم عمر اور 2184 بغیر کاغذات و ہیلمٹ موٹرسائیکل سواروں کی موٹرسائیکلیں بند کی گئیں۔
پٹرولنگ پولیس پوسٹوں پر کمیونٹی پولیسنگ میٹنگز، روڈ سیفٹی ورکشاپس اور فری میڈیکل کیمپس کا انعقاد بھی کیا گیا۔ اس کے علاوہ تھلیسیمیا سے متاثرہ بچوں کے لیے بلڈ ڈونیشن کیمپس بھی منعقد کیے گئے، جنہیں عوامی و سماجی حلقوں نے بے حد سراہا۔
