پنڈدادنخان: ایس ایچ او تھانہ جلالپور شریف اور ان کی ٹیم نے اہم کارروائی کرتے ہوئے اقدامِ قتل کے مقدمے میں ملوث ملزم محمد فیصل کو گرفتار کر لیا۔
پولیس نے ملزم کے قبضے سے 12 بور رپیٹر رائفل بمعہ ایمونیشن بھی برآمد کر لیا۔
پولیس حکام کے مطابق گرفتار ملزم کو ٹھوس شواہد کے ساتھ چالان کر کے عدالت میں پیش کیا جائے گا اور قانون کے مطابق اسے قرار واقعی سزا دلوائی جائے گی۔
ڈسٹرکٹ پولیس آفیسر جہلم طارق عزیز سندھو نے میڈیا کو جاری بیان میں کہا ہے کہ شہریوں کی جان و مال کا تحفظ پولیس کی اولین ترجیح ہے، اور سنگین نوعیت کے مقدمات میں ملوث ملزمان کے خلاف بھرپور کریک ڈاؤن جاری ہے۔
ڈی پی او نے مزید کہا کہ جرائم پیشہ عناصر کے خلاف بلا امتیاز کارروائیاں جاری رہیں گی تاکہ ضلع بھر میں امن و امان کو یقینی بنایا جا سکے۔
