جہلم: ڈسٹرکٹ جیل میں موجود تمام قیدیوں کے مکمل چیک اپ اور بیمار قیدیوں کو بہترین علاج کی سہولیات فراہم کرنا ضروری ہے تاکہ قیدیوں کوموذی بیماریوں سے بچایا جاسکے۔
یہ بات ڈپٹی کمشنر جہلم میثم عباس نے ڈسٹرکٹ جیل میں میڈیکل کیمپ کا افتتاح کرتے ہوئے کہی۔ اس موقع پر سپرٹینڈنٹ جیل حسن مجتبیٰ نے ڈپٹی کمشنر کو لگائے گئے طبی کیمپ کا دورہ کروایا۔
ڈپٹی کمشنر نے کیمپ میں قیدیوں کے چیک اپ اور ادوایات فراہمی کے عمل کا مشاہدہ کرتے ہوئے قیدیوں سے مسائل بارے معلوم کیا۔
ڈپٹی کمشنر جہلم میثم عباس نے ہدایت کی کہ طبی کیمپ کو کامیاب بنانے کیلئے محکمہ صحت کی تمام ٹیم موجود ہے، کسی بھی قیدی کو طبی سہولت سے محروم نہیں رہنا چاہئے۔
