جہلم: پولیس نے اہم کارروائی کرتے ہوئے بجلی چوری کے مقدمہ میں مطلوب اشتہاری مجرم کو گرفتار کر لیا۔
تفصیلات کے مطابق جہلم میں ایس ایچ او تھانہ سول لائنز اور ان کی ٹیم نے کارروائی کرتے ہوئے سال 2025 سے بجلی چوری کے مقدمہ میں مطلوب اشتہاری مجرم کو ٹریس کر کے گرفتار کر لیا۔
پولیس کے مطابق ملزم گرفتاری سے بچنے کیلئے روپوش ہو گیا تھا، تاہم جدید سائنٹیفک طریقہ کار اور پیشہ ورانہ حکمت عملی کو بروئے کار لاتے ہوئے اسے گرفتار کر لیا گیا۔
پولیس حکام کا کہنا ہے کہ ملزم کے خلاف قانونی کارروائی مکمل کرتے ہوئے مزید تفتیش جاری ہے۔
ڈی پی او جہلم شفیق احمد چوہدری نے کہا ہے کہ سنگین مقدمات میں مطلوب اشتہاری مجرمان کے خلاف کارروائیاں بلا تعطل جاری رہیں گی اور قانون شکن عناصر کے ساتھ کوئی رعایت نہیں برتی جائے گی۔
