جہلم: پاکستان تحریک انصاف کے مرکزی راہنماء و سابق وفاقی وزیر چوہدری فواد حسین سے عدالت میں ملاقات کرنا اور اپنے کالم میں عدلیہ،اسٹیبلشمنٹ اور نگران حکومت کے سیاہ کارنامے بے نقاب کرنا جرم بن گیا۔ جہلم پریس کلب کے صدر محمد شہباز بٹ کے گھر سول کپڑوں میں ملبوس مسلح افراد کا دھاوا،چادر دیواری کا تقدس پامال کرتے ہوئے گھر میں گھس گئے ،اہلخانہ کو تشدد کانشانہ بناتے ہوئے گھر کا سامان توڑ دیا،قیمتی سامان اور دستاویزات قبضے میں لیکر محمد شہباز بٹ کو اغواء کرکے لے گئے۔
رپورٹ کے مطابق جہلم پریس کلب کے صدر محمد شہباز بٹ اپنے نیوز چینل اور کالم میں پی ٹی آئی کے راہنماؤں اور کارکنان پر مظالم کی کوریج کررہے تھے انہوں نے دو روز قبل روز سابق وفاقی وزیر فواد چوہدری سے ملاقات کی اور خبر بھی شائع کی جبکہ اپنے کالم میں صحافیوں پر پابندیوں ،سمیت اسٹیبلشمنٹ اور عدلیہ کے کارنامے بیان کیے جس پر آج شام نامعلوم مسلح افراد محمد شہباز بٹ کے گھر داخل ہوئے انکی فیملی کو حراساں کیا اور شہباز بٹ کو اغواء کرکے ساتھ لے گئے۔
صحافی محمد شہباز بٹ کو ہتھکڑی لگا کرسفید رنگ کی گاڑی میں بٹھانے کی فوٹیج جہلم اپڈیٹس کو موصول ہو گئی ہے ،چہرے پر ماسک لگائے نامعلوم افراد جہلم پریس کلب کے صدر محمد شہباز بٹ کو گاڑی میں ڈال رہے ہیں۔
اطلاع ملنے کے باجود پولیس خاموش تماشائی ہے،صحافی برداری نے جہلم پریس کلب کے صدر کی بازیابی کا مطالبہ کیا ہے۔
