پنڈدادنخان: للِہ انٹرچینج کے قریب موٹروے پر نامعلوم ڈاکوؤں نے کار سوار فیملی کو لوٹ کر فرار ہو گئے۔
تفصیلات کے مطابق جہلم کی تحصیل پنڈدادنخان کے علاقے موٹروے ایم ٹو پر للِہ انٹرچینج کے قریب ڈکیتی کی واردات میں نامعلوم ملزمان اسلحہ کے زور پر کار سوار فیملی سے قیمتی سامان لوٹ کر فرار ہو گئے۔
گزشتہ رات ڈاکوؤں نے مری سے لاہور جانے والی فیملی کو نشانہ بنایا اور ان سے 4 عدد ایپل موبائل فونز اور 40 ہزار روپے نقدی چھین لی۔
واقعہ کے بعد تھانہ للِہ پولیس نے نامعلوم ملزمان کے خلاف مقدمہ درج کر کے تفتیش کا آغاز کر دیا ہے۔ پولیس کے مطابق ملزمان کی تلاش کے لیے کارروائیاں جاری ہیں اور جلد ہی انہیں گرفتار کر لیا جائے گا۔
