ہنڈا اٹلس نے اپنی روایت کو برقرار رکھنے کے لیے ہر سال کی طرح اپنی سب سے زیادہ فروخت ہونے والی بائک ہنڈا سی ڈی 70 کا نیا ماڈل متعارف کروا دیا ہے لیکن حیران کن طور پر ہر نئے ماڈل میں تبدیلی صرف سٹیکر کی صورت میں ہوتی ہے۔
لہٰذا، ہنڈا سی ڈی 70 2025 بھی اسی طرز کی اپ گریڈ کے ساتھ آئی ہے جبکہ کمپنی اسے ماڈرن بائیک قرار دے رہی ہے جو کہ بہت عجیب و غریب بات ہے۔ بہرحال، پاکستان میں سی ڈی 70 زبردست فالوورز ہیں کیونکہ یہ ہر کسی کی پسندیدہ بائیک ہے، اس کی ری سیل، پارٹس کی دستیابی اس کی مشہوری کی چند وجوہات ہیں۔
ہنڈا سی ڈی 70 کی نئی تصاویر یہ ہیں جو سبحان اللہ کارپوریشن جو کہ ایک ڈیلرشپ ہے، کی جانب سے ہمیں موصول ہوئیں۔ کمپنی نے نئی بائیک کو تین رنگوں میں لانچ کیا ہے، جن میں سرخ، نیلا اور کالا رنگ شامل ہے۔
ذیل میں سرخ بائک دکھائی گئی ہے۔
اور یہ نیلے رنگ کی نئی ہندا سی ڈی 70 ہے۔
اور آخر میں، یہاں ہے کالی ہنڈا سی ڈی 70 2025 ہے۔
ہنڈا سی ڈی 70 2025 کی قیمت
بائیک کمپنی نے اپنے نئے ماڈل کی قیمت کو بغیر کسی تبدیلی کے 1,57,900 روپے پر برقرار رکھا ہے، جو کہ شاید واحد مثبت پہلو ہے، کیونکہ ہر سال نئے ماڈل کے ساتھ قیمت میں اضافہ ہو جاتا ہے۔
بکنگ اور ڈلیوری
جہلم میں ہونڈا اٹلس کے ایک ڈیلرشپ نے ہمیں بتایا کہ سرخ ہونڈا سی ڈی 70 2025 کی بکنگ کے بعد 4-5 دن میں ڈلیور کر دی جائے گی، جبکہ کالے رنگ کی بائیک ایک ہفتے بعد ملے گی۔ ایک اور ڈیلرشپ نے بتایا کہ نیلا رنگ اسٹاک میں دستیاب ہے، اور آپ اسے فوراً حاصل کر سکتے ہیں۔
