جہلم پریس کلب میں مثبت صحافتی سرگرمیوں اور تفریحی، فلاحی سرگرمیوں کے فروغ کے لئے بھر پور کردار ادا کریں گے۔
ان خیالات کا اظہار نو منتخب صدر محمد امجد بٹ ، جنرل سیکرٹری مرزا قدیر بیگ نے اپنے مشترکہ بیان میں کیا۔ انہوں نے کہا کہ ممبران جہلم پریس کلب نے جو ہمارے اوپر اعتماد کیا ہے اس پر ہر ممکن پورا اترنے کی کوشش کریں گے۔
انہوں نے کہا کہ پریس کلب کے انتخابات اور آئین کو مرتب کرنے کے حوالے سے کابینہ نے کام شروع کر دیا ہے ۔ پریس کلب حسب سابق صبح 9 بجے اوپن ہو جاتا ہے اور سہ پہر 3 بجے تک پریس کلب کے اندر صحافتی سرگرمیاں جاری رہتی ہیں۔
انہوں نے کہا کہ مثبت صحافتی سرگرمیوں کے لئے بھرپور کردار ادا کررہے ہیں۔
اس موقع پر چیئرمین جہلم پریس کلب مہر محمد الیاس، فنانس سیکرٹری ڈاکٹر ملک اعجاز اعوان، جائنٹ سیکرٹری چوہدری مہربان حسین سمیت دیگر صحافی بھی موجود تھے۔
