سوہاوہ میں تیز رفتار کار درخت سے ٹکرانے سے 2 افراد جاں بحق اور ایک شخص زخمی ہو گیا۔
یہ افسوسناک حادثہ جہلم کی تحصیل سوہاوہ میں ڈھوک الف کے مقام پر جی ٹی روڈ پر پیش آیا، جہاں ایک تیز رفتار کار بے قابو ہو کر درخت سے جا ٹکرائی۔ حادثہ اتنا شدید تھا کہ گاڑی مکمل طور پر تباہ ہوگئی اور گاڑی میں سوار دو افراد موقع پر ہی جاں بحق ہو گئے جبکہ ایک شخص زخمی ہو گیا۔
حادثے کی اطلاع ملتے ہی ریسکیو 1122 کی ٹیمیں موقع پر پہنچ گئیں اور امدادی کارروائیاں شروع کر دیں۔ ریسکیو ذرائع کے مطابق گاڑی کی رفتار زیادہ ہونے کے باعث وہ اچانک بے قابو ہو کر درخت سے ٹکرا گئی۔ تصادم اتنا شدید تھا کہ دونوں جاں بحق افراد گاڑی میں پھنس گئے، جنہیں بڑی مشکل سے نکالا گیا۔
@jhelumupdates جہلم:سوہاوہ میں افسوسناک حادثہ، تیز رفتار کار درخت سے جا ٹکرائی #JhelumUpdates #latestnews #fyp #foryou #foryoupagе #viralvideo #breakingnews #sohawa #viralvideos #tiktok #viral #trending ♬ original sound – Jhelum Updates
ریسکیو ٹیموں نے زخمی اور جاں بحق ہونے والے افراد کو فوری طور پر تحصیل ہیڈ کوارٹر ہسپتال سوہاوہ منتقل کر دیا۔
جاں بحق ہونے والوں کی 65 سالہ محمد یعقوب اور 23 سالہ شاذل جبکہ زخمی ہونے والے شخص کی شناخت 29 سالہ رضوان کے طور پر کی گئی ہے۔ تینوں افراد کا تعلق گجرانوالہ سے ہے۔
عینی شاہدین کے مطابق کار کی رفتار انتہائی تیز تھی اور حادثہ اچانک پیش آیا، جس سے موقع پر موجود لوگ بھی لرز گئے۔
