جہلم میں جعلی ڈرائیونگ لائسنس بنانے والے گروہ کے دو کارندے گرفتار کر لئے گئے۔
تفصیلات کے مطابق جہلم میں ایس ایچ او تھانہ صدر اور ٹیم نے کارروائی کرتے ہوئے جعلی ڈرائیونگ لائسنس بنا کر فروخت کرنے والے ملزم شبیر احمد عرف شیرا اور مالک کو گرفتار کر لیا۔
ملزمان شہریوں کو جعلی دستاویزات پر جعلی ڈرائیونگ لائسنس بنا کر فروخت کر کے پیسے ہتھیاتے تھے، ملزمان سے جعلی لائسنس، مہریں، جعلی سرکاری دستاویزات اور 4 لاکھ روپے سے زائد رقم برآمد کر لی گئی۔
پولیس کا کہنا ہے کہ ملزمان 50 ہزار روپے سے ایک لاکھ روپے فیس وصول کر کے جعلی ڈرائیونگ لائسنس بناتے تھے، گروہ میں ٹریفک پولیس کے دو ملازمین بھی شامل ہیں۔
پولیس کا یہ بھی کہنا ہے کہ ملزم شیرا گاہکوں کو لائسنس سپلائی کرنے جارہا تھا مخبر کی اطلاع پر کارروائی کی گئی، ملزمان سے تفتیش جاری ہے، مزید برآمدگیاں متوقع ہیں۔
تھانہ صدر پولیس نے دو ٹریفک اہلکاروں سمیت 4افراد پر مقدمہ درج کر لیا ہے۔
