دینہ میں محکمہ جنگلات کی کارروائی، بکری چوری کرنے والا عادی مجرم جنگل سے لکڑیاں چوری کرتے لکڑیاں اور رکشہ چھوڑ کر موقع سے فرار ہو گیا، محکمہ جنگلات کے ملازمین نے لکڑیاں اور رکشہ قابو میں لے لیا، پولیس نے ملزم کے خلاف مقدمہ درج کر لیا۔ ملزم عادی مجرم ہے جو اس سے قبل بھی بکریاں چوری کے مقدمہ میں مطلوب ہے، ملزم بااثر ہونے کی وجہ سے گرفتاری عمل میں نہ آ سکی۔
تفصیلات کے مطابق دینہ کے علاقہ تین پورہ جنگل میں محکمہ جنگلات کے گارڈ محمد حسنین کو دوران ڈیوٹی شک گزرا کہ کوئی جنگل سے لکڑیاں کاٹ کر چوری کر رہا ہے، گارڈ جب موقع پر پہنچا تو ملزم محمد انتظار ولد کرامت حسین لکڑیاں اور رکشہ چھوڑ کر فرار ہو گیا۔
چوری ہونے والی لکڑیوں کا وزن 20 من کے قریب تھا، لوڈر رکشہ اور لکڑیاں تحویل میں لے کر تھانہ دینہ پولیس کے حوالے کر دی گئیں۔
یاد رہے کہ ملزم عادی مجرم ہے اور اس سے قبل بھی ملزم کے خلاف تھانہ دینہ میں بکری چوری کا مقدمہ درج ہے اور ملزم تا حال گرفتار نہ ہو سکا۔
