جہلم میں انڈوں اور برائلر مرغی کے نرخوں میں خود ساختہ اضافہ

جہلم شہر سمیت مضافاتی علاقوں میں انڈوں اور برائلر مرغی کے نرخوں میں خود ساختہ اضافہ، پرائس کنٹرول مجسٹریٹس خاموش، شہری سراپا احتجاج ہیں۔

تفصیلات کے مطابق جہلم شہرسمیت مضافاتی علاقوں میں مصنوعی مہنگائی سے شہری پریشان اور مشکلات کا شکار ہو چکے ہیں۔ دکانداروں کی جانب سے گرانفروشی کا سلسلہ جاری ہے۔ شہر اور دیہاتی علاقوں میں انڈوں اور برائلر مرغی کے نرخ مرغی فروشوں نے از خود بڑھا کر لوٹ مار کا بازار گرم کررکھا ہے ۔

برائلر مرغی کا سرکاری ریٹ535 روپے فی کلو مقرر ہے جبکہ دکاندار 550 سے 600 روپے ساڑھے 700 گرام میں فروخت کر رہے ہیں۔ فارمی انڈوں کے نرخ 378 روپے فی درجن سرکاری طور پر مقرر ہیں تاہم دکاندار 400 روپے سے 420 روپے فی درجن فروخت کر رہے ہیں۔

جہلم شہر سمیت دیہاتوں میں دکانداروں نے خود ساختہ مہنگائی شروع کر رکھی ہے جس سے شہری مصنوعی مہنگائی کا شکار ہو رہے ہیں۔

شہریوں نے نگران وزیراعلیٰ پنجاب ، ڈپٹی کمشنر اور ایڈوائزر محتسب پنجاب اشفاق احمد سے نوٹس لینے کا مطالبہ کیا ہے۔