ضلع بھر میں دفعہ 144 نافذ ہے، غیر قانونی اجتماع کی اجازت نہیں ہے، جہلم پولیس

جہلم پولیس کا کہنا ہے کہ پنجاب بھر میں دفعہ 144 نافذ العمل ہے۔ کسی بھی مقام پر غیر قانونی اجتماع کی اجازت نہیں ہے، غیر قانونی اجتماع کی صورت میں قانونی کارروائی کی جائے گی، اسلحہ کی نمائش پر پابندی ہے۔

جہلم پولیس نے ایک پریس ریلیز میں کہا کہ الیکشن کمیشن کے ضابطہ اخلاق پر عملدرآمد یقینی بنایا جائے گا، خلاف ورزی کی صورت میں قانونی کارروائی عمل میں لائی جائے گی، قانون پر عملدرآمد ہر ذمہ دار شہری پر فرض ہے، کسی قانون شکنی کو برداشت نہیں کیا جائے گا۔

پولیس کا کہنا ہے کہ امن و امان کا قیام اولین ترجیح ہے، امن و امان میں خلل ڈالنے والوں سے آہنی ہاتھوں سے نمٹا جائے گا، غیر قانونی اجتماع میں شرکت یا اس کی ترغیب دینے والوں کے خلاف قانونی کارروائی کو یقینی بنایا جائے گا۔

جہلم پولیس نے شہریوں سے التماس کی ہے کہ امن و امان میں خلل یا کسی غیر قانونی سرگرمی کا حصہ نہ بنیں اور ایسی کسی بھی سرگرمی کی اطلاع 15 پر دیں۔

یہ بھی پڑھنا مت بھولیں

جواب دیں

آپ کا ای میل ایڈریس شائع نہیں کیا جائے گا۔ ضروری خانوں کو * سے نشان زد کیا گیا ہے

Back to top button